环球唱片《REMEMBERING Leslie》企划第三波主打 MIRROR人气王姜涛重新演绎《追》 与监制徐浩合作无间　录音过程顺利一日完成 姜涛向哥哥学习：佢重新定义咗咩系Charm！ 　 环球唱片推出《REMEMBERING Leslie》企划向一代巨星Leslie张国荣先生致敬，集合不同唱片公司及电视台的一众乐坛新血献声。继Anson Lo卢瀚霆推出《偷情》后，第三波主打有MIRROR另一人气王姜涛重新演绎哥哥经典金曲——《追》。 姜涛重新演绎的《追》由徐浩担任监制，并与黄兆铭共同编曲，在保留原作韵味同时注入新元素。 《追》是经典电影《金枝玉叶》的主题曲。谈到今次重新演绎《追》，姜涛直言唱得很舒服：「以前喺演唱会都唱过，知道自己属于中音嘅range(音域)，佢呢只歌都系中音区，首歌令我唱得好舒服。当然要听返哥哥原版演绎，到重新去唱、编排过嘅时候，一定要有自己风格、唱法加落去，太依赖会俾人觉得太模仿，唔想俾人觉得系模仿，因为哥哥系模仿唔到。」 《追》的监制是与姜涛合作无间的徐浩，姜涛直言对方非常了解自己的风格和声线，录音过程亦相当顺利：「虽然之前演绎过呢只歌一次，但用新嘅编曲完整地演绎，系需要一边唱一边揾感觉，好彩比想像中顺利。首先只歌嘅ange比较啱我，同埋同监制好熟，冇太多阻滞。本身预两日录，变咗一日就搞掂。」 至于对哥哥的印象，姜涛表示从小已经由妈妈和亲戚口中听到他的名字：「8、90年代慨嗰一辈亲戚都好钟意哥哥，由细到大都有听佢哋播《追》呢只歌。我有睇哥哥以前一啲访问，会感觉到佢好放松，系好自信嘅一个人。」电影《家有囍事》亦令姜涛留下深刻印象：「对小朋友嚟讲好钟意睇，会觉得『点解佢可以将个角色做得咁传神』，《胭脂扣》都系我有去了解嘅作品，因为我都睇过梅姐（梅艳芳），入面有个桥段我好好奇，就揾返套戏嚟睇，觉得佢两个真系做得好好，因为好少艺人可以将唱歌同演戏都做得好好。」 除了唱功和演技外，姜涛亦非常欣赏哥哥风趣幽默的性格：「我哋而家做访问多少都会有啲拘谨，可能人生阅历未够，好多人都有睇过哥哥《今夜不设防》嘅访问，佢重新定义咗咩系Charm，唔会净系镜头前一张相，而系你个谈吐、气质。依家啲节目唔会俾你食住烟去倾偈，但佢可以好Chill，嗰个年代慨Artist嘅人格魅力系更加突出，哥哥系再突出嘅一位。」